BON BINI


Na prome luga nos di U.P.A.H. (Union di Penshonado pa Adelanto i Hustisia) kier a yamabo BON BINI riba nos website nobo. Pa e simpel echo ku awe bo ta bishita nos propio website ta un indikashon ku U.P.A.H. no ta para ketu, i ta sigui tambe ku technologianan nobo pa soru ku tur informashon ta yega serka bo.Union di Penshonado pa Adelanto i Hustisia ta eksistí ya 26 aña. Den e 26 añanan ku a pasa hopi kos a kambia den nos komunidat i serka nos gobièrnu.

Nos sosiedat a kambia di un komunidat ku un relashon outoritario, kaminda institutonan manera misa, skol i negoshinan tabata tin un lugá importante, den un komunidat kaminda libertat, individualismo, ilegalidat, korupshon, oumento di uso di droga, falta di rèspèt pa mayornan i kriminalidat ta hunga un ròl dominante. E afinidat di hendenan a baha drástikamente.

Hopi kambio a tuma lugá na gobièrnu riba tereno di maneho personal. Konsekuensha di e reorganisashon aki a pone ku hopi trahadó di gobièrnu a haña nan obligá pa bai kas ku penshun promé ku nan tempu di baha ku penshun a yega. Un gran mayoria di nos penshonadonan ta bini di un siglo kaminda liashon di hende ku instituto, manera skol misa i e negoshinan tabata bastante fuerte.

Mirando e kambionan aki ta bini e pregunta dilanti si e meta  i maneho di UPAH mester wòrdu adaptá. En konekshon ku esaki Direktiva di UPAH a reuní hopi biaha i a diskutí hopi riba e meta i maneho di UPAH den futuro.

Punto di salida tabata Eksistensha di UPAH den futuro.

Ku otro palabra: E penshonadonan di gobièrnu tin nesesidat di un fundashon pa sali na nan vanguardia i interes. Si t’asina , kiko penshonadonan ta spera di e organisashon ei ?

Den kombersashon ku penshonadonan Direktiva di UPAH a identifiká e siguiente nesesidatnan:

Entrada di penshun, kuido médiko, polítika, seguridat i distraishon den tempu liber.

Esaki a pone UPAH yega na e konklushon ku UPAH tin un derechi di eksistensia.

UPAH mester sigui atendé ku e siguiente prioridatnan:

  • entrada di penshun
  • kuido médiko i
  • representashon pa penshonadonan den organisashonnan di importansia manera nos fondo di penshun APNA i nos fondo di malesa FZOG.


UPAH SU MISHON, VISHON, META I STRATEGIA

Mishon

Atendé e eksigensianan di e miembresia. (APNA, FZOG)

Vishon

Un UPAH ku ta konta. Un organisashon ku ta wòrdu rekonosé pa tur gremio komo un organisashon fuerte i respetá.

Meta

Logra na un manera efektivo tur lokual a ser proponé

Strategia

Desaroyá un organisashon dinámiko ku ta sali na defensa i interes di su miembronan

Basá riba e puntonan ariba menshoná, Direktiva di UPAH lo sigui lo fiha su maneho.

Na e momentonan aki U.P.A.H. sui direktiva ta konsisti di e siguiente personan. Pero tuma nota ku tin algun posishon vakante, i despues di nos renion general ku lo tuma luga dia 25 di ougùstùs 2013 nos lo publiká e siguiente miembronan di  direktiva nobo.

VAKANTE
 
 Presidente
 IRWIN E. TEMMER
This email address is being protected from spambots. You need JavaScript enabled to view it.
 Vice-Presidente
 RAYMOND P. VORNIS
This email address is being protected from spambots. You need JavaScript enabled to view it.
 Sekretario
 VAKANTE

 2do Sekretario
 FRANCIS R. E. MARGARITA
This email address is being protected from spambots. You need JavaScript enabled to view it.
 Tesorero
 MARIO A. CHIRINOS
This email address is being protected from spambots. You need JavaScript enabled to view it.
 2do Tesorero
 FELIX M. R. HINDS
This email address is being protected from spambots. You need JavaScript enabled to view it.
 Miembro di Direktiva                                     
 UBALDO E. ANTHONY
This email address is being protected from spambots. You need JavaScript enabled to view it.
 Miembro di Direktiva